لەبارەی دابڕان/ پەیوەندی/

ئەوقافی هەولێر: مەلا عوسمان لەسەر حسابی حاجییان حەجی كردووە

12/08/2020


بەڕێوەبەری ئەوقافی هەولێر ئاشكرایدەكات ساڵی رابردوو مەلا عوسمان كانی كوردەیی، هەرچەندە ناوی لە تیروپشكی حاجییان دەرنەچووە، بەڵام لەسەر حیسابی حاجییان بە تێچووی 10 هەزار دۆلار خۆی و خێزانەكەی حەجیان كردووە.

لە راگەیەندراوێكدا كە وێنەیەكی تایبەت بۆ دابڕان نێردراوە، بەڕێوەبەرایەتیی ئەوقافی هەولێر رایگەیاند "مەلا عوسمان، ئەندامی پەرلەمانی كوردستانە، كەچی ئەمڕۆ چەند كادرێكی كۆمەڵی كۆكردووەتەوە بەناوی ئەوەی وتاری هەینی رێگاپێدراو بێت، بەڵام ئەم نمایشەی ئەمڕۆی تەنیا بۆ خۆدەرخستن و یاریكردنە بە هەستی خەڵك".

لە بەشێكی دیكەی راگەیەندراوەكەدا هاتووە "ئەندامێكی پەرلەمان ئەوەندە نابەرپرس بێت رەچاوی بارودۆخی هاووڵاتییان نەكات كە رۆژانە تەنها لە شاری هەولێر و شارەكانی كوردستان چەندین كەس دەبنە قوربانی ئەو پەتا‌ كوشندەیە، ئایا مەلا عوسمان ئەندامی پەرلەمان تەحەمولی بەرپرسیاریەتی رۆحیی خەڵك دەكات؟ ئەگەر ئامادەیە ئەوە بكات، با ئیمزا بكات و من وەك بەڕێوەبەری ئەوقافی هەولێر بە ژووری ئۆپەراسیۆنی هەولێر دەڵێم رێگە بە وتاری هەیینی بدرێت".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure