لەبارەی دابڕان/ پەیوەندی/

دادگا بڕیاری لەسێدارەدانی بۆ هاوسەری سێوان قادر دەركرد

11/08/2020


 دادگای سلێمانی بڕیاریدا هاوسەری سێوان قادر بە تاوانی كوشتنی خێزان و سێ منداڵەكەی، لەسێدارە بدرێت.

16-12-2018 سێوان قادر و سێ منداڵەكەی لە رووداوێكی تەمومژاویدا لە چەمچەماڵ سووتان و راستەوخۆ منداڵەكان گیانیان لەدەستدا، دوای چەند رۆژێكیش لە مانەوەی لە نەخۆشخانە، سێوان قادر "وتی هاوسەرەكەی ئەو تاوانەی بەرامبەریان ئەنجامداوە، دواتر بەهۆی سەختیی برینەكانی گیانی لەدەستدا".

خێزانی سێوان بەهەمان شێوە هاوسەرەكەیان بە سووتاندنی ماڵ و منداڵەكەی تۆمەتبار كرد، لەسەر سكاڵای ئەوانیش هاوسەرەكەی دەستبەسەر كرا.

رووداوەكە كاردانەوەی گەورەی لێكەوتەوە و چەندین گردبوونەوە لەلایەن رێكخراوەكانی ژنان و هاووڵاتیان بەگشتی ئەنجامدرا و، داواكرا تۆمەتباری رووداوەكە سزابدرێت.

قادر نووری شەریف، باوكی سێوان قادر لە كۆنگرەیەكی رۆژنامەڤانیدا لەدوای دەرچوونی بڕیارەكە "وتی هیوادارم واژۆ لەسەر بڕیاری لەسێدارەدانەكە بكرێت".

هەروەها گوڵچین ئەحمەد، دایكی سێوان وتی "من هەموو رۆژێك سووتاوم و كوژاومەتەوە، مەگەر ئەمڕۆ برینەكەی من كەمێك كەمببێتەوە".

نوێترین

© 2016 Dwryan.net. All Rights Reserved.
Developed by Avesta Group and powered by Microsoft Azure